سکر: (رپورٽ: ضميراحمد گهنيو ) ٻٻرلوءِ باءِ پاس تي تڪراري ڪئنالن خلاف وڪيلن جي ڌرڻي سبب پنجاب ڏانهن ويندڙ رستا بند ٿي ويا آهن،
وڪيلن جي ڌرڻي ۾ جسقم جو مرڪزي اڳواڻ ڊاڪٽر نياز ڪالاڻي، سنڌ ترقي پسند پارٽي جو مرڪزي اڳواڻ فتاح سميجو به شامل ٿي ويا آهن، ڌرڻي ۾ سول سوسائيٽي، اديبن، سماجي اڳواڻن سميت هر طبقي جي ماڻهن شرڪت ڪئي آهي ۽ ڌرتي سان محبت جو اظهار ڪيو آهي، بکر نيوز جي رپورٽر ضمير احمد گهنيو رپورٽ ڪندي ٻڌايو ته سخت گرمي جي باوجود ڌرتي ڌڻين جا حوصله بلند آهن ۽ انهن جو چوڻ آهي سنڌو درياهه جو پاڻي پيئيندڙ ڪو به حلالي پٽ ڪئنالن جي حق ۾ نه هوندو ۽ سنڌ ۾ وسندڙ هر زبان ڳالهائينڊڙ ماڻهو ڪنهن به صورت ۾ انهن ڪئنالن کي برداشت نه ڪندو ۽ جيسيتائين وفاق انهن ڪئنالن خلاف قرار داد منظور ڪري ڪم بند نه ڪرائيندي تيسيتائين اسان جو هي ڌرڻو به جاري رهندو.