لاهور ( ويب ڊيسڪ ) پاڪستان ڪرڪيٽ بورڊ ( پي سي بي ) ڊسپلنري ڪميٽي جي جوڙجڪ جي حوالي سان نشر ٿيندڙ خبرون جي سختي سان ترديد ڪئي آهي.
پي سي بي جو چوڻ آهي ته نه ڊسپلنري ڪميٽي جوڙي وئي آهي ۽ نه ئي ڪنهن ڪرڪيٽر خلاف ايڪشن وٺڻ جو فيصلو ڪيو ويو آهي.
پي سي بي موجب، ڪميٽي جي جوڙجڪ ۽ رپورٽ ٺاهڻ جو ٽاسڪ ڏيڻ جي حوالي سان خبرون بي بنياد ۽ حقيقتن جي ابتڙ آهن.
پي سي بي جو اِهو به چوڻ آهي ته رانديگرن تي پابندي لڳائڻ ۽ ڏنڊ مڙهڻ واري خبر هٿ ٺوڪي ۽ ڪوڙ تي ٻڌل آهي.
ياد رهي ته ڪجهه ڏينهن اڳ اِها خبر سامهون آئي هئي ته پاڪستان ڪرڪيٽ بورڊ آمريڪا ۽ ويسٽ انڊيز ۾ ٿيل ٽي ٽوئنٽي عالمي ڪپ دوران ظابطن جي ڀڃڪڙي ڪندڙ ڪرڪيٽرن خلاف سخت ڪارروائي جو فيصلو ڪيو آهي.
