نئين دهلي ( ويب ڊيسڪ ) ڀارت جي نيشنل ڊيموڪريٽڪ الائنس چيو آهي ته مودي 9 جون تي ٽيون ڀيرو وزيراعظم جي عهدي جو حلف کڻندو.
نئين حڪومت جي قيام تي بي جي پي ۽ اتحادي پارٽين وچ ۾ حتمي ڳالهيون جاري آهن.
ڀارتي صدر دروپدي مرمو مودي کي حڪومت سازي جي دعوت ڏني آهي.
نيشنل ڊيموڪريٽڪ الائنس جي اجلاس ۾ نريندر مودي اپوزيشن تي تنقيد ڪئي ۽ ڪانگريس پارٽي کي نالو وٺي نشانو بڻايو.
ياد رهي ته بي جي پي 2024 جي عام چونڊن دوران لوڪ سڀا ۾ اڪثريت حاصل ڪرڻ ۾ ناڪام رهي آهي ۽ 240 سيٽون حاصل ڪري سگهي آهي جڏهن ته حڪومت ٺاهڻ لاءِ 272 سيٽون گهربل هونديون آهن ان لاءِ مودي اتحادين تي ڀاڙي رهيو آهي
